ماهي مواصفات ذروة النشوة ماذا ان صاحب التخيل الرومانسي الجنسي شعور بالرطوبة او نزول افرازات عادية واحساس بسيط بالعضو لدى المرأة لكن مع العدم التأكد من الوصول إلى رجفة النشوة والإسترخاء المفاجئ بعدها هل لا يجب الغسل بهذه الحالة
مع الشك في الوصول للحالة لا شيء عليها
وللتفاصيل تتواصل مع أخوات
ورد في الأية الكريمة "لتسكنوا إليها" ممكن توضيح معنى السكن؟ وهل اللجوء الى الزوج كمنفس او ك سَكَن(كما ورد) هو شي غلط كونه عم نشكي لغير الله؟ بمعنى انا عارفة انو ما في غير الله بحل مشاكلي بس قلبي مُثقل وبحاجة لاحكي.. فا انا هون صرت بموضع خوف انو اذا اتزوجت الجأ للعبد مش ل الله كملاذ لالي..
روي عن الامام الصادق (عليه السلام): أيّما مؤمن شكا حاجته وضرّه إلى كافر أو من يخالفه على دينه فإنّما شكا الله إلى عدوّ من أعداء الله، وأيّما مؤمن شكا حاجته وضرّه وحاله إلى مؤمن مثله كانت شكواه إلى الله عزّ وجلّ.
السلام عليكم عم عاني من مشكلة بنظري كبيرة نوعًا ما لهيي انو انا الحمدلله تربيت ببيت مُلتزم وربيت عالالتزام حتى وقت وعيت بحثت اكتر ب ديني وتعلقت فيه زيادة ووصلت لمرحلة انو لبيرضي الله بيرضيني وطالما الشي ما بيرضي الله ما بقبل ولا واحد بالمية اعمله واسمح انو ينعمل قدامي والله عز وجل بيشهد انو هيدا الشعور كان نابع من جوا وانو عنجد بتدايق بس شوف حدا عم يذنب او لما انا اذنب وهكذا.. اخر فترة وخاصة من بعد كل لمرقنا فيه كان المفروض هيدي المصائب تقربنا بس واقعًا بعدنا كتير.. وصرت اتهاون ببعض المواقع لحتى هلق وصلت انو بس انحط بموقع فيه اغاني مش بتمعن فيها لا سمح الله لا بس انو ما بيجيني هيدا الشعور لكان قبل (الانزعاج) ولا انو بترك المكان بالرغم انو في اوقات بكون مضطرة اني ضل.. كيف بدي ارجع ل الله وكيف بدي رجع النسخة لعنجد بهمها الله ورضاه والقرب من امام الزمان..
كثرة الحضور في مجالس المعصية يجعل الذنب امرا عاديا عند الشخص، فيجب الامتناع عن الحضور في المجالس التي تمارس فيها المعاصي، سواء الغناء او الغيبة او غيرها حتى يضل يستهجن اذا صار الذنب قدامو شي مرة
ما هو حكم الخاتم للنساء الذي يحمل أحجارًا كريمة وأحراز
اذا عدّ زينة عرفا يجب ستره عن الأجنبي
سلام عذرًا على السؤال بس شفت بإحكام الافراح (عرس،خطبة،الخ...) انو مابجوز الرقص المحرم طيب هي سهرة بنات عادي بصير فيه رقص وهيك بس انه في رقص حرام ورقص حلال كيف يعني ؟؟؟ انا فكرت انو المقصد انو رقص امام الاجنبي الي هو اكيد حرام بس بين الاخوات كمان في حلال وحرام؟!
نعم
رقص المرأة أمام النساء إن صدق علیه عنوان اللهو کأن یتحول مجلس النساء إلی مجلس رقص فهو محل اشکال والأحوط ترکه.
وفی غیرها من الحالات فإن کان بکیفیة مثیرة للشهوة أو ترتبت علیه مفسدة أو استلزم فعل محرّم (کالموسیقی والغناء المحرّمین) أو کان بحضور الأجنبي فهو حرام أیضاّ.
ولا فرق فی الحکم المذکور بین مجلس الزفاف وغیره.
وأما المشارکة فی مجالس الرقص، فإن کانت تأییداً لفعل الآخرین الحرام، أو استلزمت فعلَ محرّم، فلا تجوز أیضاً، وإلاّ فلا بأس بها.
فيك ترجع تحط لينك غروب للاستشارات النسائية
بخدمتكم
مرفق بالجواب عالموقع كذلك لمن تريده لاحقا
روابط مرفقة
سلام حرام أنو البنت تصور العباية عليها وتكون فضفاضة وتعرضها ؟ وطبعًا وجهها ما مبين
اذا كان في وضعها خوف الفتنة والريبة أو ترتب المفسدة فلا يجوز.
عادي اعرضوا العباية لحالها عالتعليقة
هينة
في برنامج premier للمونتاج، في كذا حدا قلي انو فينا ننزله cracked (حسب الفتاوى) بس ما حدا عطاني فتوى واضحة او مصدر انو الفتوى مزبوطة، ف انا بدي اتأكد ١٠٠٪ انو منقدر ننزله cracked ، ف إذا بتعرف ممكن تعطيني الفتوى (عن هالبرنامج تحديداً) ؟ واذا لا مين ممكن يعطيني الجواب؟
الاحوط وجوبا عدم الاستخدام بلا إذن المالك أو العلم برضاه
ويمكن العدول في هذه المسألة مع مراعاة الاعلم فالاعلم على الاحوط وجوبا
هل في زنا نظري ؟
عُبّر في الروايات عن النظر المحرّم بأنه زنا العين
أعاذنا الله وإياكم من النظر المحرم وغيره من الذنوب
أنا فتاة لا أعمل، وأهلي هم من ينفقون عليّ، ووضعنا المادي صعب. ومع ذلك، أنا من الأشخاص الذين يطلب منهم الآخرون المساعدة دائمًا، سواء كانوا أصدقاء أو معارف لأصدقاء، وأحاول قدر استطاعتي أن أساعدهم من خلال المعارف والإمكانات المتاحة لي. لكن لديّ سنسال من الذهب أحتفظ به جانبًا، وكنت أنوي بيعه عندما تتيسّر أموري لأتمكن من الذهاب إلى الزيارة. فهل يجب عليّ شرعًا أن أبيع هذا الذهب وأستخدم ثمنه في مساعدة الأشخاص المحتاجين، أم يحق لي الاحتفاظ به لحاجتي ونيّتي في الذهاب إلى الزيارة، خصوصًا أنني لا أملك مصدر دخل وأعتمد ماديًا على أهلي؟
السلام عليكم
لكم حرية التصرف في مالكم
وليس مطلوبا من المكلف أن يصرف كل أمواله في الصدقة المستحبة أو في إقراض الغير
لا يكلّف الله نفسا إلا وسعها
وفقكم الله
إذا كان الإنسان في سنواتٍ سابقة مستطيعًا ومتمكّنًا من دفع الخمس، لكنه لم يُخمّس أمواله خلال تلك السنوات، ثم تغيّرت أوضاعه المادية وأصبح حاليًا في ضائقة مالية شديدة، وأصبح الخمس لا يجب عليه في وضعه الحالي؛ فهل يبقى الخمس المتعلّق بالسنوات السابقة واجبًا في ذمّته، رغم عدم قدرته المالية الحالية على دفعه؟ أم يسقط عنه بسبب عدم وجوبه عليه حاليًا؟
نعم يبقى الخمس غير المدفوع في ذمته ولا يسقط حتى مع عدم قدرته الحالية
ويجب ابراء ذمته من الخمس السابق
بيتواصل مع المكتب ليعمل مصالحة ويحدد قديش عليه
وبصيروا دين برقبتو، وهني بحددولو كيف في يدفعن
عملنا ختمية قرآن .. كل حدا بيقرأ جزء عأسبوع..و بس يخلص بيقرأ الجزء اللي بعدو بس انا بلشت قصر بالجزء و تاخرت عجزئي يعني ما كملت الختمية..انا هون بكون مأثومة شرعا ؟ و شو الحل فيني اقرأ كل شي راح او بكمل معن
طالما ما في الزام شرعي من قبيل الإجارة فلا إثم عليكم ولا شيء عليكم
نعم مخالفة الوعد مكروهة
تجميد الفويضات للأنثى حرام؟
جائز في حد نفسه اذا لم يستلزم النظر أو اللمس المحرمين
شو المعايير يلي بتبعا لأعرف اذا يلي عم بسمعو غنية او لا؟ وشو ادوات الموسيقى المحرمة؟
الغناء هو صوت الإنسان إذا کان مع الترجیع وکان لهویاً مضلّاً عن سبیل الله
والمويسقى المحرمة ما کانت منها تعدّ بنظر العرف من الموسیقی اللهویة المضلّة عن سبیل الله المناسِبة لمجالس اللهو والعصیان
أما الآلات المحرمة فهي الآلات التي تُستعمل نوعاً فی الصوت اللهوي المضلّ عن سبیل الله والذی یسبّب انحرافاً فکریاً وعقائدیاً او یوجب الوقوع فی المعصیة، ولیست لها منفعة محلّلة.
في إشكال اعرض تياب شرعية وعبايات كتف وراس وما في اي شي مبين مني غير الوج والكفين والباقي تياب شرعية واشاربات كبيرة؟؟
إذا كان ذلك يستلزم إثارة الشهوة أو الإفتنان أو ترتب مفسدة فلا يجوز.
سلام عليكم اذا بتعرفوا لو سمحتوا شي ذكر معين حين الاحساس بضيق شديد والدنيا مسكرة بوجنا ومأجوريين.🙏🏻
وعليكم السلام
عن الإمام الصادق جعفر بن محمد عليهما السلام أنه قال:
عجبت لمن فزع من أربع كيف لا يفزع إلى أربع : عجبت لمن خاف كيف لا يفزع إلى قوله عز وجل: "حسبنا الله ونعم الوكيل" فاني سمعت الله جل جلاله يقول بعقبها: "فانقلبوا بنعمة من الله وفضل لم يمسسهم سوء".
وعجبت لمن اغتمّ كيف لا يفزع إلى قوله عز وجل:"لا إله إلا أنت سبحانك إني كنت من الظالمين" فاني سمعت الله عز وجل يقول بعقبها: "فاستجبنا له ونجَّيْنَاهُ من الغمّ وكذلك ننجي المؤمنين".
وعجبت لمن مُكر به كيف لا يفزع إلى قوله: "وأفوض أمري إلى الله إن الله بصير بالعباد" فاني سمعت الله جل وتقدس يقول بعقبها: "فَوَقَاهُ الله سيئات ما مكروا".
وعجبت لمن أراد الدنيا وزينتها كيف لا يفزع إلى قوله تبارك وتعالى: "ما شاء الله لا قوة إلا بالله" فاني سمعت الله عز اسمه يقول بعقبها: "إن تَرَنِ أنا أقلَّ منك مالا وولداً فعسى ربي أن يؤتين خيراً من جنَّتِك".
اذا رحنا عمسبح نسواني بس مكشوف و كنا مسترين و مغطيين راسنا مش انو حجاب كامل.. فينا نسبح كرمال موضوع المُسيّرات
اذا لم يكن هناك أمن من نظر الأجنبي فيجب الحفاظ على الستر الشرعي
هل يجوز للمرأة تلاوة القرآن الكريم مع تجويد وترتيل ومقامات امام الرجال الأجانب؟
إذا کان فیه خوف المفسدة وجب الاجتناب عنه.
تعقيباً ع سؤال الاغاني، انا معك وعارفة يقيناً بموضوع الاقتناع ومتل ما ذكرت قبل بكلامي انا ما بسمع الاغاني لاني بعرف انو حرام بس اكيد عندي حب لمعرفة ليش. الانسان بطبعه بحب يعرف اسباب الامور مش تقليلا من حكمة الله والعياذ بالله. بس الانسان بطبعه فضولي للأجوبة. اخص شي انو نحن عايشين بين ناس من بيئتنا وكمان من غير ديننا عندن فضول اكتر وما فيكن تعطيهن الاجوبة يلي نحن مناخدها يعني انا هلق مسلمة شيعية مقتنعة انو اي حُكم او فتوى انا رح امشي فيها لو عن غير قناعة لانو يقينا هيدا الصح، اما تعا قول هيدا الحكي ل انسان عم يحاول يتعرف عالدين ويفوت فيه بتقدر؟ يعني ليش الاغاني حرام؟ ليش ولا مرة قدرنا ناخد جواب واضح من اهل العلم والاختصاص. كيف بدنا نحدد الغنية الحلال من الحرام؟ الموضوع فيه كتير تفاصيل وما عم بعرف وين بلاقي الجواب.
هون صار في عنوانين
ليش الأغاني حرام؟ لإنو في أدلة واضحة بالقرآن والأحاديث بتحرّم الغناء وفش خلاف بين الفقهاء بأصل الحرمة. بس بطبيعة الحال هيك حكي لن يكون مقنعا لغير المسلم، لانو ما بآمن بالقرآن ولا بتعنيلو الأحاديث. بس كما قلنا سابقا أحكام ديننا هي أحكام تعبدية، نأخذها كما هي، لأننا قاصرون عن فهم او معرفة عللها التامة. فهيدا الأخذ لازم يسبقو اعتقاد، اعتقاد بأن الدين الاسلامي هو دين إلهي وأحكامه صادرة عن الله الحكيم، فإذا ثبت الأصل، ثبت الفرع وهي الأحكام. لذلك من غير المناسب أصلا لحتى تقنع شخص بالاسلام انك تنطلق من حكم معين، الأحكام هي فروع، الأصل ان الاسلام هو الدين الصحيح، بدك توصلو لهون بعدين بيقتنع بالاحكام لحالو.
أما كيف منميّز اذا أغنية حرام أو لا، فعند القائد (قده): الغناء هو صوت الإنسان إذا کان مع الترجیع وکان لهویاً مضلّاً عن سبیل الله، ویحرم التغنّی علی هذا النحو وکذا الاستماع الیه، وإذا لم یکن علی هذا النحو فهو حلال.
والتشخيص على المكلف.
اذا عليي كذا نذر وفي نذورة صار شي وانمحت من عندي وخايفة ما اتذكرهن فيني قول لبيي وهو بفكن ؟
فيكي ترجعي تسجليهن وتكتبيهن بوصيتك عموما ليس للأب حلّ نذر ولده، ولا يشترط إذنه في انعقاده
ليش الاغاني حرام؟ وعلى ايا اساس تقيّم. يعني انا هلق ما بسمع اغاني لانو حرام بس ما عندي جواب مقنع ل نفسي حتى قبل الغريب على ليش الاغاني حرام.
جيد انو الشخص يبحث ويسأل ويحاول يفهم بعض علل الأحكام، ولكن ما فينا نحط الاقتناع كمعيار، وهيدا شي خطير اذا بيعتمد عليه المكلف بإلتزامو. فلان مش مقتنع بالخمس، فلانة مش مقتنعة بالحجاب، فلانة مش مقتنعة بالتعدد، مين قال لازم تقتنع بالحكم؟
أصلا هل انت حاطت الاقتناع معيار بكل الاحكام او بشي وشي؟
كيف اقتنعت انو الظهر ٤ ركعات، والمغرب ٣؟
طبعا هالحكي مش هجوم بس توضيح
كل الاحكام لها اسباب، فش حكم اعتباطي، الواجب في مصلحة والحرام في مفسدة، هل منعرفن بالدقة؟ لا، ليش؟ لعدة اسباب، منها انو ببساطة العالم ما سألت الأئمة بوقتها بما فيه الكفاية، ومنها انو العلل مش ضروري تكون مادية،وغيرو
طيب هل في داعي نعرفن لنطبقن يقينا لا، لإنو الدين من الله، والله حكيم، وثابت عنا انو حكيم، فما في داعي اعرف السبب التفصيلي للحكم لطبقو
يعني في يكون الجواب عسؤال ليش الغناء حرام؟ لإنو الله حرّمو، ليش الحجاب واجب، لإنو الله أوجبو
حتسأل وين؟ حقلك يا بالقرآن يا بالأحاديث، حتقلي طيب عأي اساس بدي اخد الحكم بلا ما اعرف كيف اجا، حقلك انو انت قلّدت هالمرجع لإنو الاعلم، فالاعلم هيك استنبط
بدك تستنبط انت، روح ادرس وتعلم
طيب هل هيدا بيعني انو نغمّض وما نسأل ابدا ليش الشي الفلاني حرام والشي الفلاني واجب؟ لا ابدا، فتّح وابحث واسأل، واكيد حتلاقي اشيا واسباب ممكن تكون جزء من سبب التحريم او الإيجاب